Խուզարկել են Թրամփի նախկին խորհրդականի տունը

ՀԴԲ գործակալները խուզարկություն են անցկացրել Թրամփի նախկին խորհրդական Ջոն Բոլթոնի տանը։ այդ մասին գրում է NYP-ն: Ըստ պարբերականի, գործակալները առավոտյան ժամը 07:00-ին ներխուժել են տուն՝ գաղտնի փաստաթղթերի հետ կապված հետաքննության շրջանակներում:

Հետաքննությունը սկսվել է մի քանի տարի առաջ, սակայն Բայդենի վարչակազմը այն փակել է «քաղաքական պատճառներով»: «Ոչ ոք օրենքից վեր չէ... ՀԴԲ գործակալները կատարում են իրենց առաջադրանքը», - խուզարկությունները մեկնաբանել է ՀԴԲ տնօրեն Պատելը:

Թեմային անդրադարձել է նաև Սպիտակ տան ղեկավարը։ Թրամփը հայտարարել է, որ հեռուստատեսային լուրերից է իմացել ՀԴԲ-ի կողմից իր նախկին ազգային անվտանգության հարցերով օգնական Բոլթոնի տանը կատարված խուզարկության մասին: