Թրամփը Կատարի անվտանգության երաշխիքներն ուժեղացրել է

Թրամփը ստորագրել է հրամանագիր, որը էապես ուժեղացնում է ԱՄՆ-ի պարտավորությունները Կատարի անվտանգության ապահովման հարցում։

Նշվում է, որ այդ փաստաթուղթը ստորագրվել է սեպտեմբերի 29-ին՝ Սպիտակ տան ղեկավարի և վարչապետ Նեթանյահուի հանդիպման օրը։

Նախագահի հրամանագրում նշվում է, որ երկիրը «ցանկացած զինված հարձակում Կատարի տարածքի, ինքնիշխանության կամ կենսական կարևորության ենթակառուցվածքի վրա կդիտարկի որպես սպառնալիք իր խաղաղությանն ու անվտանգությանը» և կձեռնարկի բոլոր օրինական և համապատասխան միջոցները, այդ թվում՝ ռազմական, ԱՄՆ-ի և Կատարի շահերը պաշտպանելու համար։