Սա Նեթանյահուի որոշումն էր․ Թրամփը՝ Կատարի հարվածի մասին

Վաշինգտոնը հրաժարվում է պատասխանատվության մաս ունենալ Իսրայելի կողմից Կատարին հասցված հարվածի մեջ։ «Սա վարչապետ Նեթանյահուի որոշումն էր, ոչ թե իմը»,- գրել է Դոնալդ Թրամփը Truth սոցիալական իր մեդիահարթակում։

Նա արձագանքել է նախօրին իսրայելական բանակի հարձակմանը ՀԱՄԱՍ-ի բարձրաստիճան ղեկավարության դեմ, որը գտնվում էր Կատարի մայրաքաղաք Դոհայում։

«Ես խոսեցի նաև Կատարի էմիրի և վարչապետի հետ, որոնց հավաստիացրի, որ նման բան այլևս չի կրկնվի»,- գրել է Սպիտակ տան ղեկավարն իր հրապարակման մեջ։