Թրամփը չստացավ բաղձալի մրցանակը

Նորվեգիայի Նոբելյան կոմիտեն 2025 թվականի Խաղաղության Նոբելյան մրցանակը շնորհել է վենեսուելացի ընդդիմադիր առաջնորդ Մարիա Կորինա Մաչադոյին՝ ժողովրդավարության և ազատության համար ցուցաբերած քաջության ու նվիրվածության համար։ Նոբելյան կոմիտեն ընդգծել է, որ մրցանակը շնորհվում է նրանց, ովքեր նպաստում են խաղաղության, ազգերի բարեկամության և ազատության ամրապնդմանը։ Նոբելյան կոմիտեի այս տարվա որոշումը հետաքրքրություն է առաջացրել նաև Դոնալդ Թրամփի հայտարարությունների ֆոնին, որը պնդում էր, թե հենց ինքն է արժանի մրցանակին՝ «յոթ պատերազմ դադարեցնելու» համար։ Թրամփը չհասավ մրցանակին։