Ուկրաինան կարող է վերականգնել իր սահմանները Եվրամիության աջակցությամբ․ Թրամփ

Ուկրաինան՝ Եվրամիության աջակցությամբ, ունակ է պայքարել և վերականգնել իր ամբողջ տարածքը նախկին սահմաններում, որտեղից սկսվել է պատերազմը։ Այս մասին գրել է ԱՄՆ նախագահը Truth Social-ում։

Թրամփի խոսքով՝ Ուկրաինայի և Ռուսաստանի ռազմական և տնտեսական իրավիճակը ուսումնասիրելուց հետո պարզ է դարձել, որ Ուկրաինան կարող է հաղթահարել մարտահրավերները, հատկապես Եվրոպայի և ՆԱՏՕ-ի ֆինանսական աջակցության շնորհիվ։

Թրամփը ընդգծել է, որ Ռուսաստանը բախվում է տնտեսական դժվարությունների և ոչ արդյունավետ պատերազմի, ինչը թույլ կտա Ուկրաինային վերականգնել իր սահմանները և հնարավոր է՝ գնալ նաև ավելի առաջ։

Նա հավելել է, որ ԱՄՆ-ն շարունակելու է մատակարարել զենք ՆԱՏՕ-ին, որպեսզի դաշինքը օգտվի ըստ անհրաժեշտության։