Թրամփը ՄԱԿ-ում՝ սպառնալիքներ Մոսկվային, մեղադրանքներ Պեկինին

ՄԱԿ-ի Գլխավոր ասամբլեայի ամբիոնից ԱՄՆ նախագահ Դոնալդ Թրամփը հանդես է եկել մի շարք սուր և անսպասելի հայտարարություններով՝ թիրախավորելով ոչ միայն Ռուսաստանին, այլև Չինաստանին, Հնդկաստանին և անգամ եվրոպացի դաշնակիցներին։ Նրա ելույթը պարունակում էր և ուղիղ սպառնալիքներ, և խիստ քննադատություն միջազգային քաղաքականության առանցքային խաղացողների հասցեին։

Թրամփը խոստովանել է, որ ակնկալում էր, թե Ուկրաինայի հակամարտության կարգավորումն ավելի հեշտ կլինի, քան մյուսները, և կրկնել է իր պնդումը, թե իր նախագահության օրոք ռազմական գործողությունները պարզապես չէին սկսվի։ «Բոլորը կարծում էին, որ Ռուսաստանը երեք օրում կհաղթի այս պատերազմում, բայց դա տեղի չունեցավ», - նշել է նա՝ հավելելով, որ Ռուսաստանը «վատ տեսք ունի» այս հակամարտությունում։

Այս համատեքստում ԱՄՆ նախագահը հստակ զգուշացում է հղել. Վաշինգտոնը պատրաստ է նոր մաքսատուրքեր սահմանել Ռուսաստանի և նրա գործընկերների դեմ, եթե եվրոպական երկրները ևս դիմեն նմանատիպ քայլերի։ Նա կրկին կոչ է արել Եվրոպային ամբողջությամբ դադարեցնել ռուսական նավթի և գազի գնումները՝ նշելով. «Եվրոպան չի կարող «պայքար մղել ՌԴ-ի դեմ» և միաժամանակ շարունակել գնել նրա էներգառեսուրսները. դա ամոթալի է»։

Թրամփը նաև ուղղակիորեն մեղադրել է Չինաստանին և Հնդկաստանին ռուս-ուկրաինական հակամարտության մեջ շահագրգռված լինելու մեջ։ «Նրանք ֆինանսավորում են պատերազմն ընդդեմ իրենց իսկ», - հայտարարել է նա՝ ակնարկելով ռուսական էժան էներգակիրների գնումը։

Իր ելույթում Թրամփը մի շարք այլ կարևոր հայտարարություններ է արել.