Արսեն Թորոսյանը կենսաթոշակների բարձրացման թեմային է անդրադարձել

Աշխատանքի և սոցիալական հարցերի նորանշանակ նախարար Արսեն Թորոսյանը Կառավարության նիստից հետո՝ լրագրողների հետ ճեպազրույցի ընթացքում, խոսել է հավանական կադրային փոփոխությունների մասին։

Վստահեցրել է՝ որևէ մեկին չի հորդորել ազատման դիմում գրել:

Անդրադարձել է նաև հարցին՝ արդյոք ստացե՞լ է 2026 թվականից կենսաթոշակները բարձրացնելու առաջադրանք:

«Մենք զբաղվելու ենք Կառավարության ծրագրի իրականացմամբ և տարբեր գործիքներով, որոնք մինչ օրս էլ իրականացվել են. դա հատկապես հետվճարի համակարգն է անկանխիկ գործարքների միջոցով, որը մենք փորձում ենք խթանել և շարունակելու ենք խթանել՝ գուցե նաև փոփոխություններ իրականացնելով սահմանաչափերի մեջ դեպի աճ, աճման ուղղությամբ: Երբ որոշումները կկայացվեն, դրա մասին պատշաճ կտեղեկացվի հանրությունը»,- պատասխանել է նորանշանակ նախարարը: