Չեղարկեք հանրահավաքը՝ քանի ուշ չէ․ Լևոն Տեր-Պետրոսյանը՝ Փաշինյանին

ՀՀ առաջին նախագահ Լևոն Տեր-Պետրոսյանը հանդես է եկել հրապարակմամբ՝ դիմելով վարչապետ Նիկոլ Փաշինյանին. «Մեծարգո պարոն վարչապետ, քանի դեռ ուշ չէ, չեղարկեք Վաղարշապատում Ձեր նախաձեռնած հանրահավաքի որոշումը և անհապաղ ազատ արձակեք քաղբանտարկյալներին՝ առաջին հերթին, Բագրատ և Միքայել Սրբազաններին և Սամվել Կարապետյանին։

Վստահ եմ, որ թե՛ մեր ժողովրդի, և թե՛ միջազգային հանրության կողմից այդ քայլը կդիտվի ոչ թե որպես թուլության նշան, այլ որպես պետական այրին վայել ողջախոհության դրսևորում։ Հակառակ պարագայում, պարոն վարչապետ, Դուք եք դառնալու հնարավոր բախումների և արյունահեղության միակ պատասխանատուն, արժանանալով Գապոն քահանայի անմար հռչակին»,- գրել է ՀՀ առաջին նախագահը՝ ՀՀ քաղաքացիներին կոչ եմ անելով ոչ մի պարագայում չմասնակցել վարչապետի նախատեսած հանրահավաքին՝ դրա անկանխատեսելի հետևանքներից խուսափելու նպատակով։