Թեհրանում անձրևի համար աղոթք են արել

Թեհրանում անձրևի համար համատեղ աղոթք են կատարել սպասվող երաշտի ֆոնին։ Իմամ Խոմեյնիի աշակերտ այաթոլլահ Ջամալեդդին Դինպարվարը ղեկավարել է Իմամզադե Սալեհի սրբավայրի համալիրում աղոթքը։

Հիշեցնենք, որ ավելի վաղ Իրանի նախագահ Փեզեշքիանը հայտարարել էր, որ այս տարի Իրանում տեղումները կազմել են նախորդ տարիների մակարդակի ընդամենը 3%-ը։ Նա հավելել է, որ Թեհրանը ստիպված կլինի տարհանել բնակիչներին, եթե նոյեմբերի երրորդ տասնօրյակում անձրև չտեղա։ Fars լրատվական գործակալությունը հաշվարկել է, որ Իրանում 19 ջրամբարներ գտնվում են լիակատար չորացման եզրին։