Տարոն Մարգարյանից դատախազությունը պահանջում է 2 մլրդ դրամ

Երևանի նախկին քաղաքապետ Տարոն Մարգարյանի գույքի ու դրամական միջոցների վրա կալանք է դրված: Գլխավոր դատախազությունը պահանջում է Մարգարյանից և նրա հետ կապված անձանցից բռնագանձել 2 մլրդ դրամի՝ կամ մոտ 5 միլիոն դոլարի գույք և դրամական միջոց՝ ապօրինի ծագում ունեցող գույքի բռնագանձման հայցով։ Միայն Տարոն Մարգարյանի 77/7 հայտնի հասցեով գտնվող առանձնատան շուկայական արժեքը 324 միլիոն դրամ է գնահատվել: Նախկին քաղաքապետից պահանջում են նաև 4 տրանսպորտային միջոց, որոնց շուկայական արժեքը շուրջ 61 միլիոն դրամ է գնահատվում: