Սիրիայի նախագահը ժամանել է Մոսկվա

Սիրիայի նախագահ Ահմեդ աշ-Շարաան ժամանել է Ռուսաստան։ Շարաան պատրաստվում է բանակցություններ վարել Տարտուսում Ռուսաստանի ռազմածովային բազայի և Հմեյմիմում գտնվող ավիաբազայի շարունակական ներկայության վերաբերյալ, հայտնել է սիրիական պաշտոնական աղբյուրը: Ավելի վաղ տարածված այս տեղեկությունը լրագրողների հետ զրույցում հաստատել է նաև Կրեմլի խոսնակը։

Ոչ պաշտոնական աղբյուրները պնդում են, որ Մոսկվա այցի ընթացքում Ահմեդ ալ-Շարաան պաշտոնապես կդիմի Սիրիայի նախկին նախագահ Բաշար ալ-Ասադի արտահանձնելու համար՝ սիրիացիների դեմ կատարված հանցագործությունների դիմաց դատվելու համար։