Սուդանում սողանքի զոհ է դարձել ավելի քան 1000 մարդ

Սուդանի արևմուտքում՝ Մարրա լեռների շրջանում, տեղի է ունեցել լայնամասշտաբ ողբերգություն։ Մի քանի օր տևած հորդառատ անձրևներից հետո սողանք է տեղի ունեցել, որին զոհ է դարձել ավելի քան հազար մարդ:

Այս մասին հայտնում է Reuters գործակալությունը՝ հղում անելով Սուդանի ազատագրական շարժմանը, որը վերահսկում է Դարֆուրի այդ տարածաշրջանը:

Շարժման տվյալներով՝ ավերված գյուղում միայն մեկ բնակիչ է փրկվել, մնացած բոլորը զոհվել են հողի և քարերի հեղեղի տակ:

Աղետի կապակցությամբ տեղական իշխանությունները դիմել են ՄԱԿ-ին և միջազգային մարդասիրական կազմակերպություններին՝ խնդրելով անհապաղ օգնություն ցուցաբերել, ներառյալ զոհերի մարմինների որոնումը և փլատակներից հանելը: