Սրբադասվել է հայազգի արքեպիսկոպոս Իգնատիոս Մալոյանը

Վատիկանում, Հռոմի Լևոն XIV Պապի գլխավորությամբ, տեղի է ունեցել Իգնատիոս արքեպիսկոպոս Մալոյանի ու վեց այլ երանելիների սրբադասման արարողությունը։ Իրադարձության կապակցությամբ Սուրբ Պետրոսի հրապարակում հազարավոր հավատացյալներ են հավաքվել։ Ներկա է եղել նաև վարչապետ Նիկոլ Փաշինյանը։ Դեռևս 2001-ի հոկտեմբերի 7-ին Հռոմի Հովհաննես Պողոս II-րդ պապը Իգնատիոս սրբազանին հանդիսավոր արարողությամբ դասել էր Երանելիների շարքը:

Արքեպիսկոպոս Մալոյանի սրբադասման վերաբերյալ փաստաթուղթը ստորագրել է Ֆրանցիսկոս Պապը՝ այս տարվա մարտի 28-ին: