Սպիտակ տունը՝ ընդդեմ լրատվամիջոցների. «խայտառակության ցուցակը»

Սպիտակ տունը նախաձեռնել է աննախադեպ քայլ՝ հանրայնացնելու այն լրատվամիջոցների անունները, որոնք բռնվել են կեղծ տեղեկություններ տարածելիս։ ԱՄՆ վարչակազմի պաշտոնական կայքում ստեղծվել է հատուկ էջ, որը կրում է «Օրինախախտների խայտառակության սրահ» խորագիրը։ Այս հարթակում Սպիտակ տունը հրապարակայնորեն մատնացույց է արել մի շարք խոշոր մեդիա կառույցների, այդ թվում՝ Washington Post թերթին, ինչպես նաև CBS News, CNN և MSNBC հեռուստաալիքներին։

Էջում առանձնանում է «Վազք դեպի հատակ» խորագրով բաժինը, որտեղ, ըստ ներկայացված տվյալների, «առաջատարի» դիրքը զբաղեցնում է Washington Post-ը։ Բացի այդ, գործում է «Շաբաթվա մեդիահանցագործ» առանձին բաժինը։ Այստեղ կրկին հիշատակվում է CBS News-ը, որի կողքին տեղ են գտել ամերիկյան Boston Globe-ը և բրիտանական Independent պարբերականը։ Ամերիկյան վարչակազմը պարզաբանում է, որ այս լրատվամիջոցները խեղաթյուրում և չափազանցված են ներկայացնում նախագահ Թրամփի կոչերը, որոնք վերաբերում են դեմոկրատների պատասխանատվությանը։

Սպիտակ տունը չի սահմանափակվել միայն այս բաժիններով և կազմել է նաև հատուկ աղյուսակ։ Այնտեղ ներառված են տարբեր տեղեկատվական ռեսուրսներ և անհատներ, որոնց վարչակազմը որակում է որպես «ստախոս լրագրողներ»։ Այս ընդլայնված ցուցակում հայտնվել են Wall Street Journal և New York Times հեղինակավոր թերթերի, ABC News և CNN հեռուստաալիքների, Axios պորտալի, բրիտանական ВВС-ի, АР գործակալության, Politico-ի և այլ լրատվամիջոցների ներկայացուցիչներ