Սպանվել են Փարաքարի համայնքապետը և նրա ընկերը

Սեպտեմբերի 23-ին՝ ժամը 23:52-ին, ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել, հայտնում է ՆԳՆ-ն

Նախնական տվյալներով կա 2 զոհ, 1 վիրավոր։ Մահացածներից մեկը Փարաքար համայնքի ղեկավար Վալոդյա Գրիգորյանն է։

ՆԳՆ մամուլի խոսնակ Նարեկ Սարգսյանը News.am-ին հայտնել է, որ կրակոցների հետևանքով զոհվել է նաև ոստիկանության աշխատակից, ով Փարաքարի հանայնքապետ Վալոդյա Գրիգորյանի ընկերն էր: Դեպքի պահին ծառայության մեջ չի եղել:

ՆԳՆ ոստիկանության ծառայողները ձեռնարկում են միջոցառումներ դեպքի բոլոր հանգամանքները պարզելու ուղղությամբ։