Սոցցանցերը և երեխաները. արգելե՞լ, թե՞ սովորեցնել

Սոցցանցերում երկարատև գտնվելը կարող է երեխային կտրել իրականությունից, առաջացնել սթրես և խեղաթյուրել արժեհամակարգը։ Հատկապես վտանգավոր են այն հարթակները, որտեղ վերահսկողությունը նվազագույն է, և ցանկացած բովանդակություն դառնում է հասանելի։

Երեխաներին սոցիալական ցանցերից կախվածությունից հեռու պահելու արդյունավետ ձևերից մեկն է ծնողական վերահսկողությունը՝ սահմանելով հեռախոսով անցկացվող ժամանակի և օգտագործվող հավելվածների սահմանաչափեր։ Մասնագետները նշում են, որ տեխնիկական սահմանափակումներից առավել կարևոր է ծնողի և երեխայի միջև վստահության ու բաց հաղորդակցության ձևավորումը։