«Երևան Սիթի»-ում վաճառվող խաղալիքներում վտանգավոր նյութեր են հայտնաբերվել

«ՍԻԹԻ» ՍՊԸ-ին պատկանող սուպերմարկետներում վաճառվող խաղալիքներում հայտնաբերվել են վտանգավոր նյութեր։ այդ մասին հայտարարություն է տարածել Շուկայի վերահսկողության տեսչական մարմինը։

«Մասնավորապես՝ «Սլայմեր» տեսակի «Արջուկ», «Հրեշ» և «Միաեղջյուր» անվանումներով վաճառվող խաղալիքների բաղադրության մեջ առկա են եղել երեխաների առողջության համար վտանգավոր նյութեր: Համապատասխան հանձնարարականներ են տրվել արտադրանքի իրացման կասեցման, վաճառքից հետկանչման, և ոչնչացման վերաբերյալ»,- ասված է տեսչական մարմնի տարածած հաղորդագրությունում: