Նոր կառավարությունը մտադիր է պատասխանատվության ենթարկել Ասադին

Սիրիայի նախագահ Ահմեդ աշ-Շարաան հայտարարել է, որ երկրի նոր կառավարությունը մտադիր է Բաշար Ասադին պատասխանատվության ենթարկել սեփական ժողովրդի դեմ գործած հանցագործությունների համար։ Նա ընդգծել է, որ Ռուսաստանը «այս կամ այն կերպ մասնակցել է սիրիացիների դեմ պատերազմին», և հենց այդ պատճառով Մոսկվայի հետ ընթացող բանակցություններում քննարկվել է Ասադի և այլ պաշտոնյաների արտահանձնման հարցը։

Աշ-Շարաայի խոսքով՝ արդեն իսկ ստեղծվել է արդարադատության հատուկ հանձնաժողով, որի խնդիրն է ապահովել բոլոր մեղավորների պատիժը։ Այս քայլը նպատակ ունի վերականգնել արդարությունը և բացել նոր էջ Սիրիայի պատմության մեջ։