Սիրիայի նախագահը Սպիտակ տանը կհանդիպի Թրամփի հետ

Սիրիայի նախագահ Ահմեդ ալ-Շարաան պաշտոնական այցով ժամանել է Վաշինգտոն, որտեղ պատմական հանդիպում է նախատեսվում։ Նոյեմբերի 10-ին Սիրիայի առաջնորդը Սպիտակ տանը կհանդիպի ԱՄՆ նախագահ Դոնալդ Թրամփի հետ։

Այս դիվանագիտական մերձեցմանը նախորդել էր նոյեմբերի 6-ի կարևոր որոշումը, երբ ՄԱԿ-ի Անվտանգության խորհուրդը չեղարկեց Սիրիայի նախագահ Ահմեդ ալ-Շարաայի և Ներքին գործերի նախարար Անաս Խաթթաբի նկատմամբ պատժամիջոցները։

Հատկանշական է, որ սահմանափակումները վերացնելու բանաձևն առաջարկվել էր Միացյալ Նահանգների կողմից և ստացել էր Անվտանգության խորհրդի 15 անդամներից 14-ի, այդ թվում՝ Ռուսաստանի աջակցությունը, մինչդեռ Չինաստանը ձեռնպահ էր մնացել։ Հաջորդ օրը երկու պաշտոնյաներն էլ հանվեցին պատժամիջոցների ցուցակից նաև Լոնդոնում՝ վերջնականապես ճանապարհ բացելով բարձր մակարդակի բանակցությունների համար։