Սիմոնյանի և Սոբչակի մահափորձի գործով ևս երեք անչափահաս է ներգրավվել

RT-ի գլխավոր խմբագիր Մարգարիտա Սիմոնյանի և լրագրող Քսենյա Սոբչակի դեմ մահափորձի քրեական գործով ևս երեք մարդ է անցնում։ Նրանք անչափահաս են և նրանց նկատմամբ կիրառվել է որոշակի գործողությունների արգելքի խափանման միջոց։ Մինչև այս Մոսկվայի Բասմանյան դատարանից ՏԱՍՍ-ին հայտնել էին, որ ավելի վաղ ընտրված խափանման միջոցը երկարաձգվել է մինչև 2025 թվականի հոկտեմբերի 14-ը։

Երիտասարդները մեղադրվում են նաև ասիական արտաքինով մարդկանց ծեծելու համար։

Ինչպես ավելի վաղ ՏԱՍՍ-ին հայտնել էին ԱԴԾ-ից, 2024 թվականի հուլիսի 14-ին Մոսկվայում և Ռյազանի մարզում ձերբակալվել են «Պարագրաֆ-88» նեոնացիստական խմբավորման անդամները, որոնք հետախուզություն էին իրականացնում Սիմոնյանի և Սոբչակի աշխատանքի և բնակության հասցեներով։ Քննչական գործողությունների ընթացքում ձերբակալվածները հաստատել են մահափորձերի նախապատրաստման փաստը՝ Ուկրաինայի անվտանգության ծառայության հանձնարարությամբ, յուրաքանչյուր սպանության համար 1,5 միլիոն ռուբլու պարգևատրման դիմաց։