Սիկորսկին՝ Թրամփին. Ռուսաստանի ԱԹՍ-ների ներխուժումը սխալ չէր

Լեհաստանի ԱԳ նախարարը՝ Կիևում գտնվելով, պատասխանել է Թրամփին, որ Ռուսաստանի անօդաչու թռչող սարքերի ներխուժումը Լեհաստանի օդային տարածք պատահականություն չէր։

«Այն գիշերը, երբ 19 ռուսական անօդաչու թռչող սարքեր թռան Լեհաստանի վրայով, 400-ը թռավ Ուկրաինայի վրայով, հավելյալ 40 հրթիռ։ Սրանք սխալներ չէին», - ասել է Սիկորսկին՝ կանգնած Կիևում Լեհաստանի դեսպանատան առջև, գրում է PAP-ը։

Ուկրաինայում Լեհաստանի դեսպանատան ղեկավար Պյոտր Լուկասևիչը արտգործնախարարին ասել է, որ Կիևի վրա վերջերս կատարված անօդաչու թռչող սարքերի և հրթիռների հարվածից հետո Լեհաստանի դեսպանատանը հասցված վնասը վերականգնվել է։