Շվեդիան զգուշացնում է Բալթիկ ծովում ռուսական հարձակումների մասին

Շվեդիայի պաշտպանության նախարար Փոլ Յոնսոնը Մոսկվային մեղադրել է Բալթյան տարածաշրջանում հիբրիդային պատերազմ վարելու մեջ՝ զգուշացնելով ռուսական հնարավոր ագրեսիվ գործողությունների մասին։ RND գործակալությանը տված հարցազրույցում նա նշել է, որ Ուկրաինայի և Արևմուտքի դեմ Ռուսաստանի ագրեսիան տարածաշրջանը վերածել է «հիբրիդային պատերազմի առաջնագծի»։

«Այն, ինչ տեղի է ունենում Բալթիկ ծովում, Ռուսաստանի պատերազմի մի մասն է», — ընդգծել է Յոնսոնը։ Շվեդ նախարարի համոզմամբ, ուժերի հարաբերակցությունը տարածաշրջանում արմատապես փոխվել է, և Ռուսաստանն այլևս չունի նախկին առավելությունը։ «Սառը պատերազմի համեմատ ուժերի հավասարակշռությունը լիովին փոխվել է։ Ռուսաստանի մանևրելու դաշտը Բալթիկ ծովում խիստ սահմանափակ է», — հայտարարել է նա։

Յոնսոնի խոսքով՝ Ռուսաստանն այլևս չի կարող գործել աննկատ։ Նա նշել է, որ ռուսական ռազմական ներկայությունը սահմանափակվում է միայն Կալինինգրադով և Սանկտ Պետերբուրգով, մինչդեռ Շվեդիան և ՆԱՏՕ-ի մյուս գործընկերներն ունեն ակնհայտ առավելություն ինչպես Բալթիկ ծովում իրենց ներկայության, այնպես էլ դիտարկման և հետախուզական կարողությունների առումով։