Շվեդիայում 113 տարեկան եկեղեցին «քայլել» է քաղաքի մի ծայրից մյուսը

Շվեդիայի ամենահյուսիսային քաղաքում՝ Կիրունայում, իրականացվում է եզակի նախագիծ. 1912 թվականին կառուցված եկեղեցու շենքը, որի բարձրությունը 35, լայնությունը՝ 40 մետր է, իսկ քաշը՝ 672 տոննա, ամբողջությամբ տեղափոխվել է քաղաքի մի ծայրից մյուսը՝ բեռնված հսկայական անիվավոր հարթակի վրա:

Ժամանակին այս եկեղեցին ճանաչվել է մինչև 1950 թվականը Շվեդիայում կառուցված ամենագեղեցիկ շենքը: 113-ամյա եկեղեցին տեղափոխելու անհրաժեշտությունը առաջացել է հանքարդյունաբերության ավելի քան մեկդարյա գործունեության հետևանքով առաջացած ճեղքվածքների պատճառով հողի նստման սպառնալիքից:

Կիրունան գտնվում է Հյուսիսային բևեռային շրջանից 145 կմ հյուսիս: