Գազայի հարցով շուտով կարող է համաձայնագիր լինել. Թրամփ

Դոնալդ Թրամփը Truth Social-ի էջում հայտնել է, որ արդյունավետ քննարկումներ է անցկացնում մերձավորարևելյան համայնքի հետ՝ Գազայի հատվածում իրավիճակի վերաբերյալ:

Այդ հարցում Թրամփի լավատեսությունը չի կիսում նրա մերձավոր դաշնակից Նեթանյահուն։ Իսրայելի վարչապետը ՄԱԿ գլխավոր վեհաժողովում ունեցած ելույթում նախազգուշացրել է, որ «դեռ չեն ավարտել»։ Իսրայելական ուժերը կշարունակեն գործողությունները Գազայում, որտեղ, Նեթանյահուի խոսքով, Համասի մնացորդները թաքնվում են և ցանկանում կրկնել հոկտեմբերի 7-ի գործողությունը:

Հիշեցնենք՝ Թրամփն ավելի վաղ հայտարարել էր, թե մոտ ապագայում Գազայի հարցով կարող է համաձայնագիր կնքվել։ ԱՄՆ նախագահը նաև վստահեցրել էր, որ թույլ չի տա Իսրայելին բռնակցել Հորդանան գետի Արևմտյան ափը։