Շիրակի մարզում հայտնաբերված լուսանին տեղափոխել են Երևան

Շիրակի մարզի համայնքներից մեկում հայտնաբերված լուսանը տեղափոխվել է մայրաքաղաք։ Գործընթացը գտնվել է Շրջակա միջավայրի նախարարության ուշադրության կենտրոնում։

Ինչպես հայտնել է ՇՄՆ մամուլի խոսնակ Անի Հակոբյանը, իրականացվել են բոլոր անհրաժեշտ գործողությունները՝ «կենդանու անվտանգության ապահովման և նրան բնական միջավայրին հնարավորինս մոտ վայր տեղափոխելու նպատակով»։

Գործընթացում ներգրավված են եղել համապատասխան կառույցների և հասարակական կազմակերպությունների մասնագետներ։ Ավելի ուշ հայտնի դարձավ, որ կենդանին արդեն Երևանում է` համապատասխան կենտրոնում։ Այդ մասին հայտնել է նախարարության խոսնակը՝ շնորհակալություն հայտնելով հանրությանը ցուցաբերած ուշադրության և հոգատարության համար։