Շախմատի Աշխարհի գավաթ. հայ գրոսմայստերները ոչ-ոքի խաղացին

ՖԻԴԵ-ի շախմատի աշխարհի գավաթի երկրորդ խաղափուլի առաջին խաղերում Հայաստանը ներկայացնող գրոսմայստերները պարտիաներն ավարտել են ոչ-ոքի:

Գաբրիել Սարգսյանը սև խաղաքարերով ոչ-ոքի է խաղացել Իսրայելը ներկայացնող գրոսմայստեր Մաքսիմ Ռոդշտեյնի հետ:

Շանթ Սարգսյանը սպիտակ խաղաքարերով ոչ-ոքի է խաղացել Պերուն ներկայացնող գրոսմայստեր Ջորջ Կորիի հետ:

Ռոբերտ Հովհաննիսյանը սպիտակ խաղաքարերով ոչ-ոքի է խաղացել Հնդկաստանը ներկայացնող գրոսմայստեր Ռաունակ Սադհվանիի հետ:

Հայկ Մարտիրոսյանը սպիտակ խաղաքարերով ոչ-ոքի է խաղացել ՖԻԴԵ-ն ներկայացնող գրոսմայստեր Վլադիսլավ Արտեմևի հետ:

Հայ շախմատիստներից մրցաշարին մասնակցում են նաև գրոսմայստերներ Լևոն Արոնյանը և Սամուել Սևյանը: Արոնյանը այս մրցափուլում սպիտակ խաղաքարերով հաղթել է Հնդկաստանը ներկայացնող միջազգային վարպետ Արոնյակ Գոշին։ Սևյանը սպիտակ խաղաքարերով ոչ-ոքի է խաղացել Սինգապուրը ներկայացնող գրոսմայստեր Թին Ջինյաոյի հետ: