Դավիթ Համբարձումյանի դատավճիռը քաղաքական հետապնդում է․ Սերժ Սարգսյան

3-րդ նախագահ Սերժ Սարգսյանը, իր գործով դատական նիստից առաջ լրագրողների հետ զրույցում, անդրադարձել է Դավիթ Համբարձումյանի կալանավորմանը՝ այն որակելով քաղաքական հետապնդում։

«Մենք այդ առիթով հայտարարություն ենք տարածել, որ դատական համակարգը քաղաքականացված է, և դատավճիռները կախված են մի անձի կամքից։ Ակնհայտ է, որ ամբողջ դատավարության ընթացքում որևէ լուրջ ապացույց չի ներկայացվել Դավիթի կողմից հանցավոր գործողության հետ», - ասել է Սարգսյանը։

Նա նաև ընդգծել է, որ Համբարձումյանի նկատմամբ կիրառվել է աննախադեպ երկար պատժաժամկետ։

«Այդ հոդվածով աննախադեպ ժամկետ է կիրառվել, բնականաբար այդ ժամկետը կիրառվել է, որպեսզի որևէ կերպ համաներումը չազդի այդ պատժամիջոցի վրա»,- նշել է 3-րդ նախագահը՝ ենթադրելով, որ դատավճիռը կայացվել է նման հաշվարկով։