Կաշառք ստանալու գործով խուզարկություններ են իրականացվել վարչական դատարանում

Առանձնապես խոշոր չափերով կաշառք ստանալու փաստի առթիվ դատական իշխանության ներկայացուցիչների բնակարաններում և աշխատասենյակներում իրականացվել են խուզարկություններ նախաձեռնված քրեական վարույթի շրջանակում։

Լրատվամիջոցների հարցին ի պատասխան՝ այս մասին հայտնել են Հակակոռուպցիոն կոմիտեից։ Ըստ Կոմիտեի՝ ձերբակալվել են մի խումբ անձինք, այդ թվում՝ փաստաբան։ «Նախաքննության շահերից ելնելով՝ այս պահին այլ տեղեկատվություն չենք կարող հայտնել», – նշել են ՀԿԿ-ից։

Մի շարք լրատվամիջոցներ ավելի վաղ հաղորդել էին, որ քննչական գործողություններ են կատարվում Վարչական դատարանի դատավորներ Անի Չիլինգարյանի, Մհեր Պետրոսյանի և Արգիշտի Ղազարյանի աշխատասենյակներում։