Շարունակվում են Ծափաթաղի 3-ամյա երեխայի որոնումները

Շարունակվում են Ծափաթաղի 3-ամյա բնակչի որոնումները։ «Ողջ գիշեր որոնել ենք, հիմա էլ ենք որոնում»,- ArmeniaSputnik-ին ասել է Ծափաթաղի վարչական ղեկավար Դավիթ Գզողյանը։ Որոնողական աշխատանքներում ներգրավված են ոստիկանական և փրկարարական մեծաթիվ ուժեր։

Հիշեցնենք, որ ՆԳՆ ոստիկանությունը հոկտեմբերի 27-ին 18։00-ի սահմաններում հաղորդում է ստացել, որ Գեղարքունիքի մարզի Ծափաթաղ գյուղի բնակիչ, 2022թ․ ծնված Տիգրան Օվանեսովը կորել է ժամը 16։30-ի սահմաններում։ Ոստիկանությունը և Փրկարար ծառայությունը ձեռնարկում են որոնողական ծավալուն աշխատանքներ։ Ոստիկանությունը հորդորում է երեխայի գտնվելու վայրի վերաբերյալ տեղեկություն ունեցողներին անմիջապես դիմել Ոստիկանության մոտակա բաժին, զանգահարել 1-02 կամ 911։