ՇՀԿ անդամները ընդունեցին Տյանցզինի հռչակագիրը

ՇՀԿ-ի անդամ երկրները ընդունել են Տյանցզինի հռչակագիրը: Ամփոփիչ փաստաթղթում նշվում է, որ գագաթնաժողովի մասնակիցները՝

▪️ Դատապարտել են ԱՄՆ-ի և Իսրայելի հարվածները Իրանի դեմ՝ ընդգծելով ռազմական հակամարտությունների ժամանակ միջուկային ենթակառուցվածքի վնասման անթույլատրելիությունը:

▪️ Դատապարտել են ահաբեկչությունը և ընդգծել երկակի ստանդարտների անընդունելիությունը դրա դեմ պայքարում:

▪️ Հայտնել են Աֆղանստանում խաղաղություն և զարգացում ապահովելու միջազգային հանրության ջանքերին աջակցելու պատրաստակամություն:

▪️ Հայտնել են համատեղ աշխատելու պատրաստակամություն՝ կապված արհեստական բանականության հետ առնչվող անվտանգության ռիսկերի կանխարգելման հետ:

▪️ Հանդես են եկել Միջուկային զենքի չտարածման մասին պայմանագրի դրույթների խստիվ պահպանման օգտին:

▪️ Հայտնել են ռազմական ոլորտում համագործակցությունը զարգացնելու պատրաստակամություն:

▪️ ՇՀԿ-ն հանդես է եկել բոլոր պետությունների՝ ինտերնետը կարգավորելու և ազգային սեգմենտում այն կառավարելու սուվերեն իրավունքի օգտին:

▪️ Հանդես են եկել թմրանյութերի ապօրինի շրջանառության դեմ պայքարում համագործակցության օգտին:

▪️ Հանդես են եկել տիեզերական տարածքը ցանկացած զենքից զերծ պահելու օգտին:

▪️ Դեմ են արտահայտվել «եվրոպական եռյակի»՝ ՄԱԿ-ի Անվտանգության խորհրդի կողմից Իրանի դեմ պատժամիջոցները վերականգնելու նախաձեռնությանը՝ նշելով դրա անօրինականությունը:

▪️ ՇՀԿ-ի նախագահությունը փոխանցվում է Ղրղզստանին:

▪️ ՇՀԴ-ն որոշել է միավորել «դիտորդ» և «երկխոսության գործընկեր» կարգավիճակները: