Ռուսաստանը պահանջել է օգոստոսի 26-ին ՄԱԿ-ի ԱԽ հրատապ նիստ անցկացնել

Ռուսաստանը խնդրել է ՄԱԿ-ի Անվտանգության խորհրդի հրատապ նիստ անցկացնել «Հյուսիսային հոսքերի» թեմայով։ Նիստը նշանակված է օգոստոսի 26-ին՝ Մոսկվայի ժամանակով 23:00-ին: Այս մասին հայտնում է կազմակերպությունում Ռուսաստանի մշտական ներկայացուցչությունը:

Հիշեցնենք, որ 2022 թվականի սեպտեմբերի 26-ին պայթյուններ տեղի ունեցան Եվրոպա ռուսական երկու արտահանման գազատարների՝ «Հյուսիսային հոսք» և «Հյուսիսային հոսք-2» վրա։

Առաջին գազատարով գազի մատակարարումն այդ պահին դադարեցվել էր վերանորոգման աշխատանքների համար, իսկ երկրորդը դեռևս շահագործման չէր հանձնվել։

Արդյունքում, չորս խողովակաշարերից երեքը վնասվեցին։ Nord Stream AG օպերատոր ընկերությունը հայտարարեց աննախադեպ ավերածությունների մասին և հրաժարվեց կանխատեսել գազատարների վերականգնման ժամկետները։ Թե ո՞վ է կանգնած գազատարների պայթեցման հետևում՝ դեռ շարունակում է մնալ քաղաքական քննարկումների թեմա։