Ինչ է քննարկել Ալեքսեյ Օվերչուկը Փաշինյանի հետ

Ռուսական կողմը հայ գործընկերներին ցույց է տվել ԵԱՏՄ-ի և ԵՄ-ի իրավական շրջանակում առկա էական անհամապատասխանություններ։ Այդ մասին News.am-ին ասել է Հայաստանում ՌԴ գործերի ժամանակավոր հավատարմատար Մաքսիմ Սելեզնյովը` անդրադառնալով Ռուսաստանի փոխվարչապետ Օվերչուկի երևանյան բանակցություններին։

Դիվանագետն ասել է, որ կողմերը քննարկել են առևտրատնտեսական համագործակցության լայն շրջանակ, այդ թվում՝ ԵԱՏՄ-ի շրջանակում փոխգործակցությունը։

Ռուսական կողմն առաջարկել է, որ հայ արտադրողներն ավելի լայնորեն օգտագործեն ինտեգրացիոն մեխանիզմները՝ հայկական ապրանքների ռուսական շուկա մուտքը արագացնելու համար։

Հատուկ ուշադրություն է դարձվել նաև տնտեսական համագործակցության միջկառավարական հանձնաժողովի հաջորդ նիստի նախապատրաստական աշխատանքներին, որը նախատեսված է այս տարվա վերջին Հայաստանում։