Ռուսաստանը սպասում է Թրամփի պատասխան այցին․ Զախարովա

Ռուսաստանյան կողմը սպասում է ԱՄՆ նախագահ Դոնալդ Թրամփին պատասխան այցով։ Դա հաստատել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան ՏԱՍՍ-ին տված հարցազրույցում։

«Այդ մասին ասել է մեր երկրի նախագահն՝ ամփոփելով Ալյասկայի գագաթնաժողովին իր մասնակցության արդյունքները: Նա համապատասխան հայտարարություններ է արել: Եվ ես կարող եմ նաև մեջբերել նրան: Նա հրապարակավ հրավիրել է ԱՄՆ նախագահին Ռուսաստան», - նշել է Զախարովան Արևելյան տնտեսական ֆորումի շրջանակներում:

Այցի կոնկրետ ժամկետներ Զախարովան չի նշել ու հիմնավորել՝ «դա նախագահի վարչակազմի իրավասությունն է»: Նույն կերպ է արձագանքել նաև այցի դեպքում քննարկվելիք թեմաների շրջանակի վերաբերյալ հարցին։