ՌԴ-ն և Չինաստանը ստորագրել են «Սիբիրի ուժ-2»-ի մասին հուշագիր

Պուտինի և Սի Ծինփինի բանակցությունները շարունակվել են ՉԺՀ ղեկավարի «Չժոննանհայ» անձնական նստավայրում՝ նեղ կազմով, հայտնել է Կրեմլը։

Ռուսական կողմից միջոցառմանը մասնակցել են Լավրովը, Օրեշկինը, Ուշակովը և Բելոուսովը։

Բանակցությունների արդյունքում Ռուսաստանը և Չինաստանը ստորագրել են «Սիբիրի ուժ – 2» գազատարի կառուցման մասին հուշագիր. այս մասին հայտարարել է «Գազպրոմ»-ի ղեկավար Ալեքսեյ Միլլերը։

«Սիբիրի ուժ – 2»-ի մասին համաձայնագիրը կնքվել է 30 տարով, մատակարարումների գինը կլինի ավելի ցածր, քան Եվրոպայի համար։

«Գազպրոմ»-ը և Չինաստանի ազգային նավթագազային կորպորացիան պայմանավորվել են «Սիբիրի ուժ»-ով մատակարարումները տարեկան 38 միլիարդ խորանարդ մետրից հասցնել 44 միլիարդ խորանարդ մետրի։

«Գազպրոմ»-ը և ՉԺՀ-ն նաև համաձայնության են եկել «Հեռավոր Արևելքի երթուղի» ծրագրով գազի մատակարարումները տարեկան 10 միլիարդ խորանարդ մետրից հասցնել 12 միլիարդ խորանարդ մետրի։

Ստորագրված մեկ այլ հուշագիր վերաբերում է Մոնղոլիայով անցնող «Սոյուզ Վոստոկ» տարանցիկ գազատարի կառուցմանը։

Այս ծրագիրը հնարավորություն կտա տարեկան 50 միլիարդ խորանարդ մետր գազ տարանցել Ռուսաստանից Մոնղոլիա։