Ռուսաստանը կշարունակի նավթ մատակարարել Հնդկաստանին

Ռուսաստանը կշարունակի նավթ մատակարարել Հնդկաստանին, իսկ Ռուսաստանի նախագահ Վլադիմիր Պուտինը մինչև տարեվերջ կհանդիպի Հնդկաստանի վարչապետ Նարենդրա Մոդիի հետ Նյու Դելիում։

Ըստ Reuters-ի, օգոստոսի 20-ին այդ մասին հայտարարել է Հնդկաստանում Ռուսաստանի դեսպանության պաշտոնյաներից մեկը։

Ռուսաստանը «շատ, շատ հատուկ մեխանիզմ» ունի Հնդկաստանին նավթի մատակարարումները շարունակելու համար, լրագրողներին ասել է Հնդկաստանում Ռուսաստանի դեսպանության գործերի ժամանակավոր հավատարմատար Ռոման Բաբուշկինը մամուլի ասուլիսի ժամանակ՝ հավելելով, որ Հնդկաստանի կողմից Ռուսաստանից նավթի ներկրումը կմնա նույն մակարդակի վրա:

Պուտին-Մոդի հանդիպման համար դեռևս ճշգրիտ ամսաթվեր չեն սահմանվել, նշել է նա:

Հիշեցնենք, որ ԱՄՆ-ն պատրաստվում է օգոստոսի 28-ին Հնդկաստանի արտահանման վրա լրացուցիչ 25% մաքսատուրք սահմանել՝ կապված Ռուսաստանից նավթի ներկրումների ընդլայնման հետ, որոնք աճել են այն բանից հետո, երբ արևմտյան երկրները պատժամիջոցներ են սահմանել Ռուսաստանի մատակարարումների վրա՝ Ուկրաինա ներխուժումից հետո:

Ռուսաստանից էլ տեղեկատվական արտահոսքեր կան՝ ամերիկյան մաքսատուրքերի հետևանքները մեղմելու համար ռուսական նավթը Հնդկաստանին ավելի էժան գնով վաճառելու հնարավորության մասին։