Ռուսաստանը ցանկանում է դիվանագիտական և արագ կարգավորում. Դմիտրիև

Ռուսաստանը ցանկանում է դիվանագիտական և արագ կարգավորում․ Դմիտրիև

ՌԴ նախագահի ներկայացուցիչը, որըտ հոկտեմբերի 24-ին Վաշինգտոն էր մեկնել, հույս է հայտնել, թե կարելի է հասնել շուտափույթ կարգավորման Ուկրաինայում։ Ռուսաստանի ներկայացուցիչն անգամ Զելենսկու հասցեին է գովասանքի խոսք ասել։

Վաշինգտոն մեկնած արտասահմանյան երկրների հետ ներդրումային-տնտեսական համագործակցության հարցերով Ռուսաստանի նախագահի հատուկ ներկայացուցիչ, Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը հայտարարել է, թե Ռուսաստանը ցանկանում է Ուկրաինայի շուրջ հակամարտության դիվանագիտական և արագ կարգավորում։ Դիվանագետի խոսքերը փոխանցում է ՌԻԱ «Նովոստին»։ CNN-ին տված հարցազրույցում ՌԴ նախագահի ներկայացուցիչն ընդգծել է ռուսական կողմի դիրքորոշումը։

«Մենք բոլորս ցանկանում ենք, որ այս հակամարտությունը դիվանագիտական ճանապարհով ավարտվի», - ասել է նա։

ՌԴ նախագահի հատուկ ներկայացուցիչը, որն այժմ գտնվում է ԱՄՆ-ում, հայտարարել է, թե կարծում է, որ կողմերը մոտ են դիվանագիտական լուծմանը, որը վերջ կդնի պատերազմին։ «Զելենսկին մեծ քայլ է կատարել՝ արդեն ընդունելով, որ խոսքը առաջնագծի մասին է»,-ասել է նա CNN-ին տված հարցազրույցում։