Ռուսաստանում ատոմային սառցահատի նավապետ է դարձել Մարինա Ստարովոյտովան

21 ՕԳՍ 2025 05:49

Ռուսական «Յամալ» ատոմային սառցահատի նավապետ է նշանակվել Մարինա Ստարովոյտովան, սա առաջին դեպքն է, երբ կինը դարձել է ատոմային սառցահատի կապիտան, հայտնում է ՌԻԱ Նովոստին:

Ստարովոյտովայի՝ «Յամալ»-ի կապիտան նշանակվելու մասին հայտարարվել է Նիժնի Նովգորոդում ատոմային արդյունաբերության 80-ամյակին նվիրված հանդիսավոր արարողության ժամանակ:

Ստարովոյտովան իր ծովային կարիերան սկսել է «Սովետական Միություն» ատոմային սառցահատում՝ որպես հերթապահ:

Այնուհետև աշխատել է առևտրային նավերի վրա, սովորել, ապա վերադարձել է ատոմային սառցահատների նավատորմ՝ նավապետի ավագ օգնականի դիպլոմով:

Նրան նշանակել են «Յամալ» ատոմային սառցահատի նավապետի ավագ օգնական, իսկ այժմ՝ կապիտան:

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել