Ռուսաստանը 78 ԱԹՍ-ով գրոհել է Ուկրաինան, կան վիրավորներ

Ռուսաստանի զորքերը 30 հուլիսի գիշերը 78 անօդաչու սարք են արձակել Ուկրաինայի ուղղությամբ։ 51-ը ոչնչացվել կամ ճնշվել է, հայտնել են Ուկրաինայի Օդային ուժերը։ Գրանցվել է 27 դրոնի խոցում 7 տեղամասում և դրոնների բեկորների ընկնելը՝ ևս երկու վայրում։

Ուկրաինայի զինված ուժերը գիշերային հարձակման առանձնահատկություն են համարել «վեցից ութ ռեակտիվ անօդաչու սարքերի օգտագործումը հյուսիսային ուղղությամբ»։

Խարկովի մարզի Շևչենկովսկի շրջանում անօդաչու սարքերի բեկորների ընկնելու հետևանքով տուժել է երեք մարդ՝ 24-ամյա կին, 62-ամյա կին և 33-ամյա տղամարդ, հայտնել է մարզային վարչակազմի ղեկավար Օլեգ Սինեգուբովը։ Վնասվել են ավտոմեքենաների լվացման կայան և սուպերմարկետ, բազմաթիվ տների ապակիներ են կոտրվել։