Ռուսական ԱԹՍ-ն հարվածել է Լեհաստանում բնակելի տանը

Ռուսական անօդաչու թռչող սարքը հարվածել է Լեհաստանի Լյուբլինի մարզի բնակելի տանը, հաղորդում են լեհական լրատվամիջոցները։

Վնասվել են Լյուբլինի վոյեվոդության Վիրիկի քաղաքում գտնվող բնակելի տան տանքին ու տարածքում կայանված մեքենան, գրում է Polsat News-ը։

«Ոչ ոք չի տուժել», - այս մասին հայտարարել է ոստիկանության խոսնակը։

Վլոդավա շրջանի քաղաքապետ Մարիուշ Զանկոն մեկնաբանելով դեպքը նշել է, որ դեռ պարզ չէ՝ արդյոք անօդաչու թռչող սարքն է ընկել շենքի վրա և վնասել տանիքն ու առաստաղը, թե՞ պատճառը անօդաչու թռչող սարքի բեկորներն են։

Նա ընդհծել է, որ «իրավիճակը բավականին դժվար և անհանգստացնող է. բնակիչների շրջանում իսկապես մեծ մտահոգություն կա», փոխանցում է պարբերականը։