Ռուսները կարող են ընտրվել Բելառուսի, բելառուսները՝ Ռուսաստանի ՏԻՄ մարմիններում

Պետական Դումայի պատգամավորները լիագումար նիստում վավերացրել են 1998 թվականի դեկտեմբերի 25-ի Ռուսաստանի Դաշնության և Բելառուսի Հանրապետության միջև քաղաքացիների հավասար իրավունքների մասին պայմանագրում փոփոխություններ կատարելու մասին արձանագրությունը:

Փաստաթուղթը Պետական Դումա է ներկայացվել Ռուսաստանի Դաշնության նախագահ Վլադիմիր Պուտինի կողմից: Համաձայն փաստաթղթի՝ ՌԴ քաղաքացիները, ովքեր մշտապես բնակվում են Բելառուսի Հանրապետության տարածքում, կստանան իրավունք՝ ընտրելու և ընտրվելու Բելառուսի տեղական ինքնակառավարման մարմիններում:

Նմանատիպ իրավունք կստանան նաև Ռուսաստանում մշտապես բնակվող Բելառուսի քաղաքացիները: Արձանագրությունը ստորագրվել է նախագահներ Վլադիմիր Պուտինի և Ալեքսանդր Լուկաշենկոյի կողմից 2025 թվականի մարտի 13-ին Մոսկվայում: