Ռուբեն Վարդանյանին նոր փաստաբան են տրամադրել

Ռուբեն Վարդանյանի նկատմամբ հարուցված շինծու գործերով հերթական դատական նիստի ընթացքում նոր փաստաբան է նշանակվել։ Նա Ադրբեջանի փաստաբանական միության անդամ Էմիլ Բաբիշովն է։ Ըստ ադրբեջանական լրատվամիջոցների՝ Ռուբեն Վարդանյանը չի առարկել այդ փաստաբանի նշանակման դեմ:

Հիշեցնենք, որ Ռուբեն Վարդանյանը հրաժարվել էր իր պաշտպան Աբրահամ Բերմանից։ Ընտանիքի միջոցով Վարդանյանը փոխանցել էր, որ դա հարկադրված որոշում էր, քանի որ դատական լսումները վերածվել են բացահայտ ֆարսի, ինչի պայմաններում պաշտպանության բոլոր դատավարական հնարավորություններն սպառված են: