Ո՞վ էր Ռոնալդուին ուղեկցող հուզված փոքրիկը

Ֆեյսբուքյան օգտատերերից Ամալյա Գրիգորյանն է մանրամասներ ներկայացրել Հայաստան-Պորտուգալիա մրցամարտից առաջ Պորտուգալիայի հավաքականի աստղերից Ռոնալդուին խաղադաշտ ուղեկցած և իր անկեղծ հուզմունքով շատ-շատերի սրտերը գրաված հայ փոքրիկի մասին:

«Ծանոթացեք Ռուբենի հետ: Ռուբենը զբաղվում է ներառական ֆուտբոլով: Ունի լսողության և խոսքի խանգարումներ: Այսօր իրականություն դարձավ Ռուբենի կյանքի մեծագույն երազանքը՝ հանդիպեց Ռոնալդուին: Այս վիդեոն նկարել եմ անմիջապես հիմների կատարումից հետո, երբ երեխաներին բերեցինք հանդերձարան: Աննկարագրելի ապրումների մեջ էր Ռուբենը, ինչպես և մյուս բոլոր երեխաները, որոնք այսօր Հայաստանի և Պորտուգալիայի ֆուտբոլիստների հետ դաշտ մտան: Ֆուտբոլը միշտ է հրաշքներ գործում: Հավատացեք հրաշքներին և դրանք կկատարվեն, ինչպես եղավ Ռուբենի դեպքում

Հ.Գ. Ուղեկցող բոլոր երեխաներն ունեն առողջական և զարգացման տարբեր խնդիրներ»,- իր ֆեյսբուքյան էջում գրել է Ամալյա Գրիգորյանը: