Ռոմանոս Պետրոսյանը նշանակվել է ՀԷՑ-ի ժամանակավոր կառավարիչ

Հանրային ծառայությունները կարգավորող հանձնաժողովից հայտնում են, որ Հայաստանի էլեկտրական ցանցերի ժամանակավոր կառավարիչ է նշանակել Պետական վերահսկողական ծառայության ղեկավարի պաշտոնից ազատված Ռոմանոս Պետրոսյանը:

Ավելի վաղ հանրային ծառայությունները կարգավորող հանձնաժողովից հայտնել էին, որ կառավարության ներկայացրած հաղորդման հիմքով վարույթն արդեն հարուցվել է։

Հենց այս վարույթն է, որը Հանրային ծառայությունները կարգավորող հանձնաժողովին թույլ է տալիս ժամանակավոր կառավարիչ նշանակել էլեկտրական ցանցերում: