ՌԴ-Բելառուս դաշինքը կայունության գործոն է՝ ընդդեմ ՆԱՏՕ-ի․ Անդրեյ Բելոուսով

Ռուսաստանի և Բելառուսի միջև պաշտպանական դաշինքը ՆԱՏՕ-ի թշնամական գործունեության պայմաններում կայունության պահպանման հիմնական գործոններից մեկն է։ Այդ մասին հայտարարել է Ռուսաստանի ՊՆ Անդրեյ Բելոուսովը՝ երկու երկրների պաշտպանության նախարարությունների համատեղ կոլեգիայի նիստում, հաղորդում է «ՌԻԱ Նովոստի»-ն։

«Մոսկվայի և Մինսկի համագործակցությունը պաշտպանության ոլորտում տարածաշրջանային կայունության պահպանման առանցքային գործոններից մեկն է՝ ՆԱՏՕ-ի բացահայտ թշնամական գործունեության ֆոնին», - ասել է Բելոուսովը։

Նա վստահեցրել է, որ առավել ևս այս իրավիճակում Միութենական պետության ռազմական անվտանգության ապահովումը և դրա ռազմատեխնիկական ներուժի ամրապնդումը մնում է առաջնահերթ խնդիր։