Ռուսական բանակը գիշերը հարվածել է Օդեսայի և Սումիի մարզերին

Օգոստոսի 19-ի լույս 20-ի գիշերը Ռուսաստանը Ուկրաինայի ուղղությամբ իրականացրել է հերթական լայնածավալ օդային հարձակումը՝ կիրառելով տարբեր տեսակի զինատեսակներ։

Ընդհանուր առմամբ, Ուկրաինայի տարածքի վրա արձակվել է 93 «Շահեդ» տիպի հարվածային անօդաչու թռչող սարք (ԱԹՍ) և երկու «Իսկանդեր-Մ» բալիստիկ հրթիռ։ Ուկրաինայի հակաօդային պաշտպանության ուժերին հաջողվել է չեզոքացնել մեկ բալիստիկ հրթիռ և 62 ԱԹՍ։

Հարվածների հիմնական ուղղություններն են եղել Օդեսայի և Սումիի մարզերը։ Օդեսայի մարզի Իզմայիլ քաղաքում թիրախավորվել է նավահանգստային և արտադրական ենթակառուցվածքները, ինչի հետևանքով վառելիքաէներգետիկ օբյեկտում խոշոր հրդեհ է բռնկվել։ Այս հարձակման հետևանքով տուժել է մեկ քաղաքացիական անձ։

Սումիի մարզի Օխտիրկա քաղաքում ԱԹՍ-ների հարվածներին թիրախավորվել է քաղաքի բնակելի հատվածը, ինչի հետևանքով վիրավորվել է 12 մարդ, այդ թվում՝ երկու երեխա։ Վնասվել են բազմաբնակարան և 13 առանձնատուն։

Ցամաքային ճակատում ռուսական զորքերը շարունակում են հարձակողական գործողությունները մի քանի ուղղություններով։

Ըստ ՌԴ Պաշտպանության նախարարության, վերջին 24 ժամվա ընթացքում «Կենտրոն», «Հարավ» և «Արևմուտք» զորախմբերը բարելավել են իրենց դիրքերը, իսկ «Արևելք» զորախումբը շարունակում է առաջխաղացումը ուկրաինական պաշտպանության խորքում։

Առավել ակտիվ բախումները տեղի են ունենում Պոկրովսկի ուղղությամբ։ Վերջին 24 ժամում կոնկրետ բնակավայրերի գրավման մասին հաստատված տեղեկություններ չկան։