Հայաստանի նկատմամբ անվտանգային սպառնալիքները ցածր են

ՀՀ արտաքին հետախուզության ծառայության պետ Քրիստինե Գրիգորյանը կարծում է, որ Հայաստանի անվտանգության և ռազմական սպառնալիքները շատ ցածր են։

«Համեմատած մի քանի ամիս առաջվա հետ՝ կարող ենք ասել, որ դրանք շատ ցածր են, սակայն կան սպառնալիքներ մեր ժողովրդավարությանը, և դրանք չպետք է թերագնահատել, քանի որ ժողովրդավարությունը մեր ընթացքի տեմպն ու ռեժիմն է»։

Գրիգորյանի խոսքով՝ ռիսկերը, որոնք մեծամասամբ հիբրիդային բնույթ ունեն, պետք է ճանաչվեն և վերացվեն։ Նա նշել է, որ ժողովրդավարությանը սպառնացող վտանգները չեն բխում մեկ պետությունից կամ մեկ դերակատարից։ Դրանք, որպես կանոն, շատ դեպքերում գալիս են մի քանի կենտրոններից՝ առանձին-առանձին։

«Բայց ես կարող եմ վստահորեն պնդել, որ չկա մի պետություն, որի ժողովրդավարությանը սպառնացող վտանգները բխում են մեկ խաղացողից, և Հայաստանը բացառություն չէ»։