Քաթարը դատապարտել է Դոհայում ՀԱՄԱՍ-ի ղեկավարների վրա Իսրայելի հարձակումը

Քաթարը դատապարտել է ՀԱՄԱՍ-ի վրա Դոհայում Իսրայելի «վախկոտ» հարձակումը: Քաթարի ԱԳՆ-ի պաշտոնական ներկայացուցիչ Մաջեդ Ալ Անսարին հայտարարել է, որ երկիրը կտրականապես դատապարտում է բնակելի շենքերին հասցված հարվածը, որտեղ գտնվում էին ՀԱՄԱՍ-ի մի քանի բարձրաստիճան ղեկավարներ։

«Այս հանցավոր հարձակումը միջազգային բոլոր օրենքների և նորմերի կոպիտ խախտում է, ինչպես նաև լուրջ սպառնալիք է Քաթարի բնակիչների և քաթարցիների անվտանգությանն ու կյանքին»:

Միևնույն ժամանակ, իսրայելական ԶԼՄ-ները հայտնում են, որ Դոհայի վրա իսրայելական կործանիչների հարձակումը նախապես համաձայնեցված է եղել ԱՄՆ-ի հետ: