Պուտինը Զելենսկուն Մոսկվա է հրավիրում բանակցությունների

Եթե Ուկրաինայում երկարաժամկետ խաղաղություն հաստատվի, այնտեղ օտարերկրյա զորքեր տեղակայելու իմաստ չի լինի։ Այդ մասին հայտարարել է ՌԴ նախագահը՝ Արևելյան տնտեսական համաժողովի լիագումար նիստում։

Պուտինը կրկին հայտարարել է, որ դեմ չէ Ուկրաինայի նախագահի հետ հանդիպմանը։ Նշել է, որ Զելենսկու հետ հանդիպման լավագույն վայրը Մոսկվան է:

Նույն թեմային ավելի վաղ անդրադարձել էր նաև Կրեմլի խոսնակը։ Պեսկովը շեշտել էր, թե Զելենսկին Մոսկվա է հրավիրվում ոչ թե կապիտուլյացիա ստորագրելու, այլ քննարկումների համար։