Հայտնի են Պուտին-Թրամփ հանդիպման նախնական ամսաթվերը

Հայտնի են դարձել Բուդապեշտում կայանալիք Պուտին-Թրամփ գագաթնաժողովի նախնական ամսաթվերը։ Այդ մասին գրում են ռուսական Telegram ալիքները՝ հղում անելով Կրեմլի աղբյուրին։ Ըստ նախնական տվյալների՝ Ռուսաստանի և ԱՄՆ առաջնորդների հանդիպումը Հունգարիայի մայրաքաղաքում նախատեսված է հոկտեմբերի 30-ին կամ 31-ին:

Հիշեցնենք, որ հոկտեմբերի 16-ին ԱՄՆ նախագահ Դոնալդ Թրամփը և ՌԴ նախագահ Վլադիմիր Պուտինը հեռախոսազրույց են ունեցել, որի ընթացքում երկկողմ պայմանավորվածություն է ձեռք բերվել Հունգարիայի մայրաքաղաք Բուդապեշտում հանդիպելու մասին:

Հիշեցնենք նաև, որ Պուտին-Թրամփ նախորդ հանդիպումը կայացել էր Ալյասկայում։