Գյումրիում բողոքի ակցիաներ են ռուսական ռազմաբազայի մոտ

23 ՕԳՍ 2025 13:44

Գյումրիում, ռուսական ռազմաբազայի մոտ օգոստոսի 23-ին կայացել է «Հանուն Հանրապետության» կուսակցության բողոքի ակցիան։ Ակտիվիստները պահանջել են Ռուսաստանի ռազմաբազայի դուրսբերումը Հայաստանից։

Կուսակցության ղեկավար Արման Բաբաջանյանը բողոքի ակցիայի ժամանակ հայտարարել է, թե սոցիոլոգիական հարցումների արդյունքների համաձայն՝ Հայաստանի քաղաքացիների 70%-ը ռուսական բազայի ներկայությունը համարում է սպառնալիք։

Գյումրիում ռուսական ռազմաբազան Հայաստանից հեռացնելու՝ «Հանուն Հանրապետության» կուսակցության հայտարարած ակցիայի դեմ հակացույց էր նախաձեռնել «Մայր Հայաստան» դաշինքը։

Առավոտից ոստիկանությունը մի քանի շերտով գոտեվորել էր ռուսական ռազմակայանը և թույլ չի տվել «Մայր Հայաստանին» ակցիա իրականացնել ռազմաբազայի այն մուտքի մոտ, որտեղ «Հանուն Հանրապետության» կուսակցության բողոքի ակցիան էր նախատեսված։

Ի պաշտպանություն ՀՀ-ում ռուսական ռազմաբազայի ներկայության՝ Մայր Հայաստան հուշահամալիրի մոտ անցկացվել է նաև խաղաղ հավաք։

Թեգեր

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել